أنا المصري وصوتي راح بنْده عليكي ف بلدي ..
فينك يا حرّية ..
المصري مات وبيتسجن لخاطرك وإنتي ولا تردّي ..
بنْده عليكي مع كل نور بيطل على أرضي ..
ولا في يوم حيأس إنك تحنيلي وترضي ..
ردّيلي حقي وحق اللي ماتوا لآجل مايرفعولك صوت ..
ردّي الجميل لورد صابح ضحى عشانك وخلّى عمره يفوت ..
لآجل ما تطلى على بلاده ويكسب بيكي القضية ..
ردّي يا حرّية وهونيها عليّا ..
أو سبيني أصرخ من حرقتي حتى ولو راح أموت ..
حسّي بوجعتي وكسرة آمالي فيكي وفى بلادي ..
صوتي إتنبح بندْه عليكي تطمنيني ليلاتي ..
بتعاندي مين فينا قولي يا حرّية ! ..
زعلانة مني ولاّ من بلدي ردّي بقى عليا ..
أنا لو عليا أختارك حتى ولو بالموت ..
أمّا بلادي طيبة بس كده غبية ..
بتعاند فيكي وفيّا وفاكره إنه الحل ..
إني أموت لآجلك وتعيش لوحدها هيّ !
ردّي عليا وطُلّي يا حرّية ..
 |
| صـرخة تُـنــــــــــادي |
ليست هناك تعليقات:
إرسال تعليق