مستنين الفــرج

مستنين الفرج .. طوّل غيابه أوي ..
ولا حد يعرف له طريق منه الحزين يرتوي ..
كل الساعات بتمر .. وساعة الحزين تلمة ..
لا بينفع فيها الزق ولا تداويها الكلمة ...
بتسهره يداوي جروحه ويرمم في الشقوق ..
ونفسه فى يوم يسعد بمعنى الأمان والحقوق ..
يلاقي حكيم عادل يمسح دموعه بجد ..
ويرد له حقه وحق الشهيد ع الأرض ..
ويحمي ولاده بأمان وولاد جيرانه المحيطين ..
ويحافظ على بلدنا حرة ليوم الدين ..
حلمه بسيط جداً وأملي يتحقق ..
وثقته فى العادل لازم فى يوم تصدْق ..
ويطل الفرج علينا ببشايرالصابرين ..
يمسح دموع أم الشهيد ويصحصح النايمين ..

مستنين الفـــــــــــــــرج