إحــكي لإبنك ••

إحكي لإبنك .. علّمه
إن الزمان مفيهوش أمان ..
وإنه حكاية لا ليها أرض ولا مكان ..
واحكيله إنه فقير مش مبتدِع بيكررالحكايات ..
لا ف يوم حيقدر يعترف ولا حيحكي على اللى فات ..
وإنه ميعرفش البطولة إلا لو بقيت مسطورة ..
ومبيعترفش باللي مات إلا لو جبنالوا صورة ..
واحكيله عن ماسبيرو والميادين وغيرها من الحاجات ! ..
قولوا محدش كان بيعرف مين اللي فرّق فينا .. خلّى أخويا المصري مات ! ..
ولا حد كان يقدر يقول بيقين ويحكي كلامه بالإدلة والإثبات ..

قولّوا وصلنا ف يوم نكون فيه مؤمنين إن السكوت فيه الحياة ..
وإن الكلام أصبح هلاوس مجانين ممكن يدمر فى البلاد ..
فاحكي لإبنك .. علّمه ..
يفهم زمان قبل انهاردة وفهمه ..
يسمع كلام تاريخ بلاده ويفهمه ..
ولا يوم يقع فى اللى وقعنا فيه زمااان ..
إحكي لإبنك علّمه معنى الزمان ! ..

أحــــداث ماسـبيـرو .. أكتوبر 2011