" مهرجـان الكرسي "

مهرجان فاتح بيبانه للي يزور ..

قرّب تلاقي فيه المناصب ومش بالدور ..

كوباية تلف بهوان على القاعدين ..

من غير ما تسأل مين ده ولا أصله فين ..

تسقيه من شربة السياسة وخلطة القوانين ..

وتعلّمه يحكم ويعرف مين يبقى معاه ومين يكون له عدو مُبين ..

يا صاحب الكرسي قبل ما رجلك تطلع عليه ..

شوف دورك إيه وكان مطلوب من اللي قابلك إيه ..

بدل ما تطلع وتقعد وتترستق عليه ..

وتعك زي اللي قبلك وننّزلك يا بيه ..