مصري وجدع

أنا مقتنع  .. ومهما قولت مش حمْتنِع ..
ولا حرمي قلمي واسلّمه ..... ولا حقْمعه ولا أذلّلله ..
ولا حبقى يوم ف إيد مُصطنِع ..
دي كلمتي حرة تدوّي وتتسمِع ..
ولا تقدروا ف يوم تشتروها لأي طرف ... ولا تحكموا بيها الغلابة فى أي ظرف ..
كدبتكم مهما عاشت لا يمكن تتبلع .. لا بحكم ولا زنزانة ولا نشر الهلع ..
دي بلدنا واعية وفيها ميت مليون جدع ..
زيّ كده فاهم لا يمكن يتخِدع ..

مهما عملتوا أو افتعلتوا من البدع ..
فنصيحة مني تغيروا ولا تحلموا إنه ف يوم راح يمتنع ..
لإن الجدع ممكن يموت ولا يسلّم فكرته بعد ما عاش يوم مقتنع !

مصــــري وجدع