مش حتعِرض ولا عمري حقبل إني أكون للبيع ..
أنا برفض الحكاية وارفض أكون حتة عروسة لأي عابر سريع ..
يبص بصة ويرمي نظرة ويشوف السعر كام ..
ويقول بصوت كله قرف عايزني أدفع كام ؟ ..
أنا مش قليلة الحيلة ولا حغلب ..
حنطق بكل قوتى و أصرخ وأقول يا رب ..
أرحمني من فكرهم اللى بيجرح فيّا ...
ولا جُم فى يوم فكروا إيه اللى يملا عنيّا ..
فالحين وبس فى رصّ البضاعة بأناقة لآجل العرض ..
وبينسوا كل معنى للكرامة وللشرف والعرض ..
وكل همهم إني أكون المدام ..
مين قالوكوا إن الجوازة حتبقي كوم أيام ..
دي حياة وعمر وعشرة بس للى يعوز ..
مش غصب هيا وعافية بلوي الدراع والبوز ..
ولو ليّا فيها نصيب وقسملى قاسم الأرزاق ..
راح أنولها من غير عرضكم ولا حتى أى زواق .
ليست هناك تعليقات:
إرسال تعليق