إجمالي مرات مشاهدة الصفحة
14/12/2012
07/12/2012
سيبها لـ غفيـــــــــــــــر !
ححكيلكم حكــــــــــــــــــــــاية فاشل مجنون
بدايته دخل السياسة إستبن للشاطر لكنه فاشل ومش شاطر ..
ساق البلد زي اللي سايقه ما قاله ..
ونسي إن البلد مش زي عقله حتمشي وخلاص ورا ضله ..
وبعد التجارب .. بعد التحالف .. والشجار .. نجح الفشل ..
51% .. جاب البطل .. متصقفوا .. حيدخلوه كلية ؟!!
قالوا اللي حواليه آه .. يدخل ساعتها الطب ونخرجه يصبح مهندس فل ..
وعشان دماغه فـراغ .. والسلطة بتشاغله .. زغرت وقال من اليوم :
أنا رئيس البلد .. ححكم أنا .. و أنا اللي سيد الكل !!
وبدأ الطريق .. سايق مغيب .. فاشل .. وجنانه كل يوم بيزيد !
مات اللي مات في حكمه .. كبير وصغير من غير سبب ولا ذنب ..
وكبير ما قال في يوم .. حدفع كذا تعويض ..
وحدعي للمصاب فيهم يكشف عنه المرض وفضل يقول ويعيد ..
يا أهلي .. وعشيرتي ..
عربيتي باظت يا شباب ليه كده ..
والدم اللي سال مش شايفه ليه حضرتك ..
خايف تشوف .. ولا مكسوف .. ولا النظر يا عمي مش موجود ..
يمكن ظروف ..
حاربوك كتير .. نظام قديم فاسد لعين ..
أعذار كتير ..
مش قدها سيب البلد .. لحكم غفير ..
جايز الغفير حاسس بشعبه و بلوته ..
وبدل ما يشرب قهوته ..
يسقي البلد .. ينزل يصلح اللي فسد .. واللي اتكسر ..
سيبها لغفير .. جايز يكون ريس بجد .. جايز يكون راجل جدع .. فاهم البلد .. عارف يعني إيه روح تتولد .. عارف الكرامة واللقمة والحرية !
جايز يطبق فيها عدل .. يكون أمين .. مش فاتح صدره وسط المؤيد ويجري يهرب من الجميع لما يعارضوا ويهتفوا : لا يا كبير !!
سيب البلد .. سيبها لغفيــــــــــــر
جايز يكون صاحب قرار .. مش حاكم لأشرف بلد .. بأمر خايب من بديع !!
الاشتراك في:
الرسائل (Atom)