مش حاكتب ! ..
جملة سمعتها و كل حرف فيها دغدغ فى روحي شوية ..
مبقتش عارفة أرد ازاي على جملة تقيلة تُقل الرزية ..
سكت .. ما أنا حعمل ايه وياها ..
أصل الحكاية كلها واقفة على هواها ..
إن ضحكت ورضيت رفعتنى فوق فى السما ..
وإن كشّرت وزرجنت ترميني سابع أرض ..
مش حقدر انطق ولا حتى أقولها ليه ..
دي الحلوة مفيش زيها دي مرات سعات البيه ..
بيه المزاج والذوق والحكم والسلطَنة ..
ما أقدرش أقول فيهم ولا حتى كلمة أنا ..
ما أنا أصل روحي متعلقة ف إيديهم ..
وإيديهم هى اللى بتخليني ابوح ..
انطق وأصرخ حتى لو حلاوة روح ..
ازاي عايزنّي أقولهم : إزاي ؟ ..
دول الملك والملكة وحُكم ملهوش زي ..
دول اللى بيخلوك تقرا فى كل احلامي ..
وتنجلى وبتسعد بكل حرف ف كلامي ..
ف ازاي عايزني اسألها ليه بتقوللي لا ..
أنا نفسى أسألها لكنّى خايفة تنطق تقول وأنا مالى !
طبعاً سرحت وبتسأل الحلوة تطلع ميين ؟! ..
راح اقولك ويشهد علىّ كل عاقل حكيم ..
الحلوة دي تبقى اسمها مزاجي .. أمّا سعات البيه يبقى قلم جنابى !
جملة سمعتها و كل حرف فيها دغدغ فى روحي شوية ..
مبقتش عارفة أرد ازاي على جملة تقيلة تُقل الرزية ..
سكت .. ما أنا حعمل ايه وياها ..
أصل الحكاية كلها واقفة على هواها ..
إن ضحكت ورضيت رفعتنى فوق فى السما ..
وإن كشّرت وزرجنت ترميني سابع أرض ..
مش حقدر انطق ولا حتى أقولها ليه ..
دي الحلوة مفيش زيها دي مرات سعات البيه ..
بيه المزاج والذوق والحكم والسلطَنة ..
ما أقدرش أقول فيهم ولا حتى كلمة أنا ..
ما أنا أصل روحي متعلقة ف إيديهم ..
وإيديهم هى اللى بتخليني ابوح ..
انطق وأصرخ حتى لو حلاوة روح ..
ازاي عايزنّي أقولهم : إزاي ؟ ..
دول الملك والملكة وحُكم ملهوش زي ..
دول اللى بيخلوك تقرا فى كل احلامي ..
وتنجلى وبتسعد بكل حرف ف كلامي ..
ف ازاي عايزني اسألها ليه بتقوللي لا ..
أنا نفسى أسألها لكنّى خايفة تنطق تقول وأنا مالى !
طبعاً سرحت وبتسأل الحلوة تطلع ميين ؟! ..
راح اقولك ويشهد علىّ كل عاقل حكيم ..
الحلوة دي تبقى اسمها مزاجي .. أمّا سعات البيه يبقى قلم جنابى !