على الحــــــــــــــافة

أقف بقدمين متتـاليتين على خيط رفيع

على الحــافة ما بين الإستقرار والتغيير

أقف منتظرة أشياء لم تحــــــــدث بعد

أنتظر وقسوة أحلامي لا ترضى البُـعد

أقـف وتراني كالـــوتد الصلب لا أهـتز

وبداخل أعماقى زلازل غضب تعلن حرب

مابين الوحــدة والوحـــدة أتخذ الدرب

لا أجد لغيره ملجأ ولا أجد هنالك قـلب

يفهم إحساس المرأة ويُقـدّرعطاء الحب

أقف وقدماي قـد إكتسبوا خبرة أزمــان

على الحافة ما بين الشوق وصمت النسيان

أنظر للخلف فيحملني لحـزن ودمــــوع

والغـد مجهــول أعدّ له بأمـل مصنوع

لا أقوى على حمل الأثقال لوقت طويل

فأنا ع الحــــــافة لا أعلم وقت التغيير

 

غــــداً تلقانا بالتغيير

أتحرك إحساســاً ،، أتنفس إحساساً ولدّي يقين

بأن الظلم قد إقتربت نهاياته ، والصوت رنين

يحبس أنفاساً بالكلمة وفعل بالخطوة من ملايين

مادام الحـــــرّ له صوتٌ ، فلمصر مصـــير

يكتبه الشاب ويقطع بالسيف خيط الأساطير

أساطيرٌ كانت تحكمنا لسنين بفعل من التخدير

لكنّ الوطن اليوم انتفض وهــزّ عروش كثير

منهم من أسقط بالفعل وغــــداً تلقانا بالتغيير

فإذا أسقطنا رأس الأفعى ، سنسقط حتماً رأس مشير

ميدان التحـــــــرير 25-1-2012
الثورة مازالت مستمرة .. يسقط يسقط حكم العسكر

حــيّ على الميدان

حــيّ على الميدان
ياللي نايم واللي ناسي واللي بتقول أنا تعبان
ياللي فاكر حقك حتلاقيه بالفرجة وشويه كلام
الميدان محتاج لصوتك يهتف بحق وقوة وإيمان
لأجل حق روح ودّعتنا واستشهدت قبلك زمـــان
لأجل أم عيونها ما جفت في يوم وحقها لسه ما بان
لأجل كلمة حق اتبدّلت ومسكها حاكم ما بيعرف إلا الهوان
قوم واصحي واعترف إن السكوت مش حيحافظلك ع الأمان
الأمان حتلاقيه بصرخه جدع وحلم وهدف بعيون كل واحد فى الميدان
فى الميدان حتقابلنا ونلتقي ونحقق اللي حلمنا بيه من سنه بنفس المكان

ثــــــــــورة بجد

مفحوت ومش لاقي

ولا يتبكيش عليّا

مفحوت ومش لاقي

عائد بيملا عنيّا

بصحى ليومي نايم

واخرج وأقول يارب

تجري الساعات بيّا

من غير زعيق ولا ضرب

بقضي أجازتي وراحتي

في زحمة الأتوبيس

ويصبح صديقي وصاحبي

جاري فى طبور العيش

حالي ده ما له مثال

ولا يجي يوم على بال
مهدود حالي ومطحون

وخلاص بقيت مرمطون

مش بزعل إني أضحي

وأتعب شوية وأشدّ

أنا بزعل إني بضحي

وبلقاها عيشة ع القدّ

متحسوا بينا يا ناس

ده مفيش حمار ينداس

يسكت كده ويكمّل

مهما سكت وإتحمل

لازم ف يوم يتكلم
ويهتف بكل ميدان
وسعتها ثورة بجـــــد!

25-1-2012

 

ماذا تفعل لــــــــــــو ؟

ماذا تفعل لو .. هو ملخص ليلة الإمتحان .. حاجة كده شبه التوقعات المرئية أو كراسة الأول .. وده طبعاً مش لإنك مذاكرتش لا سمح الله .. بس خوفي زيادة شويه ، لتكون نسيت إيه هى القضية .. أو إنك تكون نازل من كتر الزهق أو المحايلة أو الكلام .
بصراحة فكرة مقرفة إنك تفكر تنزل تعترض وسط الزحام من غير ما تفهم .. حقك تقول طبعاً كده .. لإن الحكاية مش تيشيرت بلون علم بلدك ولا منظره ولا مزايدة بشوية كلام .. الحكاية لازم تكون من جوه قلبك طالعه .. لازم تكون عارف بتعمل إيه ولــــيه .
وعشان كده لازم تكون فاهم ، لإن أول سؤال حيقابلك على بوابة الإمتحان ( الميدان ) : هو أنت ليه أصلاً هنــــا؟!
لو كنت فاهم ومتأكد من سبب وجودك حترد بكلام قوي بيحمل حكاوي وأحداث مرّت كتير وكل حرف ف كلامك حتلاقيه حامل أمل وخوف  على حق البلد وثورة بتنادي على التغيير .
أما بقى لو كنت مش عارف تردّ ... أساعدك أنا ..
جيب ورقة وقلم .. واكتب سؤالي فى نص صفحتك الكبيرة
ماذا لـــــــــــــــــــــــــو ؟
لو كنت واحد من الفقراء والمفحوتين فى طاحونة كل يوم ..
لا بتلقى لقمة عيش ولا عش من خوص يأويك ولا بتلقى هدوم ..
لو كنت واحد من المرضى اللى مش لاقى تمن العلاج أو مكان يرتاح فيه بكرامته ويلاقى فيه اللي يداويه من غير مناهده ولا كلام ..
لو كنت واحد من آلالاف العاطلين .. بلا عمل ولا كرامة ولا أمل ، بيحاول إنه يعيش يومه ويخلّصه من غير مشاكل ولا ديون ..
لو كنت واحد من الأهالي الغلبانين اللي جري الأب فى يوم عالمشرحة يسأل يا مين يدلني على جثته .. والأم تبكي بحرقه على ابنها اللي فقدته
لو كنت واحد من اللي صبحوا بعد ثورة لقوا نفسهم عاجزين ، صابرين ونفسهم يسمعوا حكم عادل ع الخونة والظالمين ..
لو كنت واحد من اللي إتحاكموا عسكري من غير سبب ولا حتى يقدر يعترض أو يسمعه قاضيه الطبيعي .
لو كنت بنت ابتهدلت واتضربت ف يوم واتعذبت عشان فكرّت تقول للظلم والقهر " لا " .
أكتب كمان لو تقدر ميت ألف " لـــــو " .. ساعتها بس حتعرف إجابه الإمتحان وتعرف ليه بتنزل وتهتف فى الميدان ..
أما إذا ما كنت واحد من بتوع آسف ومعلش ، يبقى أقولك بالأدب أن مكانك مش هنا وسط الميدان ، لكن أحب أبشّرك إن إمتحانك نتيجته واضحة بلا سؤال ولا جواب .. وأنت ساقط فيه من عيون كل اللى ضحى أو حلم يلقى بلاده حرّة .. وخسارة فيك حتى الكلام .

اليــــــــــوم

اليوم أطلقتُ العنان للخيال كي يصنع ما قد فشلت فى بنائه بأرض الحياة
لعلّه يقدْر ويصبر على ما رأيته وتركته فى يوم مـا
اليوم أعلنتُ النـــداء من أجل التحدي .. ها أنا ذا واقفة بيدي كل الآمال
بنيتها صفوفاً راسية فوق أساس عميق من الإيمــان
كوّنت بها صرحاً عظيماً وجلست فيه
أرى الحياة بائسة بحالها دون الإيمان .. دون التحلّي بالثبـــات
دون التخلّي عن البكاء فوق الرمـــــاد
وأراها حلوة بيضاء تتمخطر بين الدروب على حافة نهر الفرات
تَشـتم بالنسمات أمل يمد بطرفه للغريق طوق النجاة
اليوم كان ككل يوم في الحياة .. لكنني قررت أن آراه من كل إتجـــــاه