خاف م اللي ضحكته عالية

خاف م اللي ضحكته عالية ..
في ضحكه يلم الخلق و يداوي الجروح ..
وينّسي أي صاحب جرح إنه كان مدبوح ..
ويداوي قلوب الكل بضحكته الحانية ..
ويألف نكت تحكي همومه واللي واجعه ف ثانية ..
ينسى بيها جروحه اللى ملهاش حصر ..
ويبنيها بنفسه ولا أجدعها قصر ..

أوعى تفكر إنّ مشاعره دي آلة من صناعة الصين ..
ده حزين ودافن حزنه ولا يعلم بجرحه غير رب العالمين ..
فمتحسدوش واحد على ضحكته العالية ..
على قد ما بتعلى بتخفي ف صداها ميت ألف صوت ..
ولا يقدر يقولك ليه ولا يسكت يموت ..
فبيضحك يمكن تداوي ضحكته جرح السنين ..
وترجعه لزمان كله أمان وحنين ..
وترجعه تاني لضحكته الهادية ..
فتبطّلوا تنادوه  بأبو ضحكة عالية !