نسمة الحــرّية

لفيت بلاد ومشيت طرق لآجل مالاقيلك بديل ..
ما لقيت أنا غير نسمة طايرة فى السما فى مساء عليل ..
وسألتها لو تعرفي نسمة بلون أبيض جميل ..
ردت وقالتلي : يا ريت .. كنت استلف منها محبة ناس كتير ..
تلاقيها طايرة فى الفضا ولا حد يعرف سرها ده ف أيّ بيير ..
بتزور فقير محتاجلها وبيدعى رب الكون يشوفها ولو تكون آخر نظير ..

اصل الحكاية فى سرها إن الحياة من غيرها بتخللى البصير يصبح ضرير ..
ودي نسمة قد ما هى ناعمة لكنّها تِخفى مصاير للعباد من الفقير إلى الأمير ..
على قد سر سحرها وهدوئها لكن جوه منها حاجات كتير ..
لا ف يوم حتقبل ظلم حاكم ولا حتُنشر كلمة من حبّة حمير ..
شايفنها سلعة تُشترى ولا يعرفوا معناها إيه كلمة ضمير !