يـا مـطـــر ..

إمســــــــــــــــــــح يا مطر

إمسح آثار الإيد اللي إشتكت
إمسح دموع العين اللي بَـكت
إمسح ونسّينا الألم .. واللي إتعمل
نقّط رذاذ خفيف على باقى حرف اللى انكسر
وإكتب حروف صافيه على كل أوراق الشجر
دوّي يا صوت الرعد وارعب فى القلوب
اللي نـَست الذنوب واتجمدت وبقت حجر
دّوي يا صوت الرعد وسمّــع البشـر
صوت الأمـانة اللي إتنست واتبدّلت
شاهد يا نـور البرق ع اللي اتبهدلت
حكـايتها وخايفة ليجي يوم وتنكسر
شاهد يا برق ولاّ حتنسى وتعتذر
طب فكّره يا موج بيخبط فى الصخور
ب اللى إنتهى عشان متبقاش أرض بور
وسقاها من دمه فى يـوم بدْل العرق
خايف حبيبتى الحلوة تهوى و تنسـرق
مع إني عارف إن هى مُحصــنّة
ومؤمـنة ومتحكّمة فى كل الأمور
خايف لكن شجاع ، بغصب واثور
شبه المطر بيزيد بحــــور
أو يطفي نـار المنتظـــر
خايف لكنّي مش حقبل إني أكون
زي المطر يثور وينسى ويعتذر
سامع كلامي ولاّ حتنكر يا مطر