قلمي إتقصفْ من قوة الأحزان
من كتر ما نعى الشهداء بكل ميدان
من كل آآه واجعة بتصرخ ألف صوت
تحكي على شبابنا فى كل يوم بتموت
قلمي أتوجع ما بالك الإيدين
اللي بتكتب بيه حروف دموع العين
قتلوا البراءة والإبتسامة بس تقول لمين
إنه بيقتل روح ويصحصح النايمين
إنه قتل أشخاص لكنّه مقدرشِ
يقتل فى قلبنا روح إصرارنا ويمّشي
مصري وصاحب قرار مش واحد م الضيوف
وحامل الراية من غير تعب ولا خوف
بيزلّزل الدنيا بصوته وهتافه
منه اللي بان واتعرف ومنه اللي ولا شافه
غير بس أصحابه واللي في يوم ساندوه
هو البطل والأمل ورافع راس أبوه
واللي عطاني الأمل إني مسلّمشِ
وأحلف أجيب القلم واكتب ليوم تاني
يحكي صباح النصر فى ربيع أوطاني
ليست هناك تعليقات:
إرسال تعليق