يا حُر فين أراضيك
تعبت أندْه فى الليالى نفسى فى يوم ألاقيك
يا حُر كيف تبقى صديق
اتعكز على إيديه ويفتح لي بيبان طول الطريق
يا حُر فين أصل الوجود
فين قولي أقدر ألاقي روحي واعرف ألاقيلك جدود
يا حُر فين قولي الطريق
نفسي فى يوم ارتاح واشم نسمة حرّة بليل عتيق
يا حُر فين ورد الصباح
صبحت أداري ع الجراح وادفن أمانينا الملاح
يا حُر فين راح البراح
مع كل ضربة فاس بأرضي صارت بتكشف ع الجراح
يا حُر فين آخر الطريق
صبري نفد أنا والشباب الموجودين هنا بالفريق
يا حر آاه .. فينك وفين !حقي وحق الموجوعين من الغلابة .. قولّي يا حُر .. أشكي لمين ؟
ليست هناك تعليقات:
إرسال تعليق