يعني إيـه معنى إختيـار ؟

يعني إيه معنى إختيار
يعني حرية قرار
الإختيار يعني أنا
مش حد تاني يقولي اكتب ده هنا
ولا حد يشتريني بالذواق والمسكنة
الإختيار لازم يكون مني أنا
واتحمله وأشجعه وافهم أساس المسألة
وأفهّمك لو يوم تعوز
من غير زعيق ولا لوي بوز
من غير ما نخسر يوم صداقه ولا أخوة بمشكلة
الإختيار فى بلدنا فكرة مؤجّلة
متبهدلة تحت شعار كلمة نعم
مهما تفكر أو تقول برضه نعم
نعم لجهل مخبي خيبته فى الظلام
يسرق فى عتم الليل روح البلد ويكسر الأحلام
ويجر خط القلم ويمسك الزمام
من قبل ما يكون الولد نطق الكلام
من قبل ما يكون عبّر وقال
ولا عرف للحُر طريق ولا عدى لحدوده مجال
فمتسألوش فين القرار
قبل ما نعرف فى يوم يعني إيه معني إختيار