تساؤلات .. تساؤلات ..
تساؤلات كتير مع كل طلّة صبح على أرض البلد دي ..
بتسأل إمتى الخلاص ؟ ..
إمتى حنخلص م القرف ونحس بالاخلاص ..
إمتى حتنزل بنتي مدرستها فى أمان ..
إمتى حلاقي فعل واقع مش بس حنفية كلام ..
كلام بيوعد ولا بيوفي ولا بيشفي ..
ولا بيطفي نار المحروقين من الغلابة .. ولا بيكفي ..
تساؤلات كتير عن آخرة الظلم وقساه ..
الظلم مش بس اللي مات لكن اللي عايش فى الحياه ..
عايش بيلعن كل يوم سكت وطاطا للفساد ..
وفتح الطريق للمسعورين ينهشوا في لحم البلاد ..
تساؤلات بخطوط كتير ..
منها اللي أبيض واللي أسود ..
واللي بيقول الكلام على لسان حبة حمير ..
تساؤلات من مشتاقين ..
وعاشقين لتراب بلدهم بيحلموا يعيشوا راضيين ..
تساؤلات من زهقانين ..
ملّوا الحياه وعشيتهم المخنوقة بكلام الورق وحكاوي المذيعيين ..
تساؤلات متغربين ..
حبّوا الحياه فى بلاد بعيد قدرت تراعي الورد ..
عرفت تحبه بجد ..
مش طبطبة بحبة كلام ولا بتبني ألف سور ولا بتخنق باللجام ..
تساؤلات لا قدرت أحس إنها من غير حجاب ..
تساؤلات خلص الورق قبل ما ألاقيلها جواب ..
تساؤلات كتير مع كل طلّة صبح على أرض البلد دي ..
بتسأل إمتى الخلاص ؟ ..
إمتى حنخلص م القرف ونحس بالاخلاص ..
إمتى حتنزل بنتي مدرستها فى أمان ..
إمتى حلاقي فعل واقع مش بس حنفية كلام ..
كلام بيوعد ولا بيوفي ولا بيشفي ..
ولا بيطفي نار المحروقين من الغلابة .. ولا بيكفي ..
تساؤلات كتير عن آخرة الظلم وقساه ..
الظلم مش بس اللي مات لكن اللي عايش فى الحياه ..
عايش بيلعن كل يوم سكت وطاطا للفساد ..
وفتح الطريق للمسعورين ينهشوا في لحم البلاد ..
تساؤلات بخطوط كتير ..
منها اللي أبيض واللي أسود ..
واللي بيقول الكلام على لسان حبة حمير ..
تساؤلات من مشتاقين ..
وعاشقين لتراب بلدهم بيحلموا يعيشوا راضيين ..
تساؤلات من زهقانين ..
ملّوا الحياه وعشيتهم المخنوقة بكلام الورق وحكاوي المذيعيين ..
تساؤلات متغربين ..
حبّوا الحياه فى بلاد بعيد قدرت تراعي الورد ..
عرفت تحبه بجد ..
مش طبطبة بحبة كلام ولا بتبني ألف سور ولا بتخنق باللجام ..
تساؤلات لا قدرت أحس إنها من غير حجاب ..
تساؤلات خلص الورق قبل ما ألاقيلها جواب ..
كلام ويتميز بالواقعيه
ردحذفtslm ya mohamed :) ... da wd3na el 7aly !
ردحذف