" حــــــوار "

إسمك إيه ؟ ..
إسمي أنا " س " ..
مُت إزاي ؟ ..
مُت بطلق رصاص في الرآس وكتم أنفاس المصريين ..
طب والباقي ؟ ..
سايب أهلي وكل أخواتي فى كل ميدان ..
طب زعلان ؟ ..
عمري ما كنت ف يوم أنا أحلم أكون فى أمان ..
عارف طيب ابقى أنا مين ؟
حاسس ريحة أهلي فى صوتك .. ريحة شرف المصريين ..
طب أنا " م " ..
جيت أنا قبلك من أيام فاتت وسنين ..
يعني زميلي ؟! .. كنت زميلي فى وقفة إيه ؟ ..
كنت زميلك يوم فى يناير لمّا وقفنا ننادي لمصر ..
كنت زميلي فى وقفة مصر ؟! ..
ياما وقفنا ساعات وساعات ..
حتى أنا لمّا مشيت من بيتنا وجيت أنا جنّة الشهداء ..
كنت بشوفك أنت وأخويا بتحمي بلدنا من الأوغاد ..
كنت بحاول .. وسايب ورد ورايا حيفضل برضه يحاول ..
فاكر يوم ما أكلنا اللقمة بقسمة ١٠٠ ؟ ..
أيوه أنا فاكر .. كانت لقمة صغيّرة جداً بس هنية ..
" م " بيقول : أنا هنا مُت لآجل قضية ..
               : أنا هنا قبلك مستنيك لآجل الحرية ..
"س" بيقول : نفسى أكون آخر الشهداء ..
والاتنين هتفوا بحنين لروح الثوار :

.. بندعي نكون آخر الشهداء ..
.. ونفسنا مصر تحط سلاحها على الأعداء ..

تشييع جنازة أحد شهداء نوفمبر 2011