هزيــــــمة عشق

بهزيمة معـلــــونة
وضّحت للحاضرين أساس الحـــــــــرب فين
وحكيت سنين واجعة بين الهوى وبين الحنين
صرخت بكل قوة وضعف ممزوج بين ده وبين
يمكن ألاقى إيدين تطبطب ع الجراح الموجوعين
يا هل ترى المحتار بشــــــــــوق المعشوقين
مختار قرار يصعب على فراقـــــــــه السنين
ولا السنين مزورع بجوفها الغدر والأحزان
يا هل ترى المحتـــــار بأرضك كان جبان
ولاّ الأسى والبُعـــــــــد بينـسّي اللى كان
واللي إنحكى واللى إتوعد أيــام زمـــان
" أحـــــــــب يمكن ينصلح قلبى الحزيـــن "
" ويفتح بيبان للنور يمحي سواد طول الأنين"
كـــــــــــلام نقوله كمعشوقين متغـرّبين
بــرّه أمانى الحـــــب وأراضى الحنين
يا موجــــــــــــــــــــــــــــــوعين
إتجمعوا بصراخ قلوبكوا اللى بكت مرّ السنين
وإتوحدوا يمكن يحسّـوا الآه وإيه إتعمل فينا وفين
يا موجــوعين وحاملين الأمل للحـــب والعاشقين
مهما تشوفوا لا تندموا ولا ترحلوا من جنة الصابرين
بكرة تلاقوا اللى إتسرق مردود بضعف الأجر وزيادة السنين