الحــــــــرّية

كلمة اتقالت يوم فى ميدان والناس سألت إيه معناها وإيه لزمتها وإيه حيفيد بس التغيير
كلمة وباعها كل جبان واللي شراها كان " إنسان " ماتت روحه تنطق آااااه حاملة التحرير
كلمة تهز الكون بصداها وبقوتها نخلق دنيا تحقق عدل فيها كرامة وفيها العيش والتفكير
كلمة بتعرف تقلب ظلم الظالم وتخليه شايف التغيير وتقول لأ للي حيجي على كل فقير
كلمة قوية نطقها شباب وشيوخ علشان يحكم عادل فاهم مش متوجه يوم بسياسة حد كبير
كلمة وكانت زي الحلم وعرفناها ولمّا نهتف اسمها تاني مش حيكون الرد علينا كلمة " تكفير" 

ابدأ عــــــــدّ !

ابدأ عدّ .. وصلت لألف .. طب استنى كمان ألفين !
امشى ازاي .. شكل الناس مش عارفة أنا مين ؟
مش جبتوني وحكّمتوني ؟
إيه مشكلة ماتوا خمسين ؟ ماتوا سبعين ؟؟
إيه مشكلة القطر ، الماتش .. م كلنا أصلاً يوم رايحين ؟!
ولا حتكفروا بقى يااخوانا وتنسوا الدين ؟
مش راضين .. بدفع ألوفات ؟!
طب الميت من غير ديّة والدفنة حتكون في سكات !
واللي حينطق بكره يبات جنب الحلوين !
وحقول كفرة .. وحقول فشلة .. شوية جهلة ومش فاهمين !
واللي وراكم .. فى صمت وذل حيصبحوا بكرة ومش راضين !
أصل الجهل دي كانت فكرة تجيبهم دايما كده راكعين !
والجاهل مهما حتعمّله .. حيفضل عبد ليوم الدين !
وده كان ردّ الحاكم تعرف .. مين الفاشل .. طب قولوا مين ؟؟!

مأساة حادث قطار أسيوط 17 نوفمبر 2012

أنا حــبٌ ♥

يُحكى بأني قوية وبداخلي تكمن كنوز ، ما يفعل الزمان بي من شئ إلا معرفة الدروس ..

حتى بضعفي الواهن المرهون بقسوة الأيام أبقى أنا لا أنحني كمثل غيري من الرؤوس ..

إن مالت الأحلام على كتف حاملها لا تنهزم إلا إذا تسمّرت بجمود صخر تنكسر معه التروس ..

فالحلم كي يتراءى يوماً بالظهور لابد وأن يكون طير يُنشد بسحر يُشفي بصوته حزن العبوس ..

وبخفة فراشة تتطاير يعرف ليونة الحور الراقصين على نغم حفل ملائكي يتوّجه أجمل عروس ..

وأنا بحلمك لن أكون حروف مسطورة على ورق تقلبه متي تشاء وأينما يأمرك هوى النفوس ..

فيا من تفتش عن سر قلبي إذا هوى ، أنا حبٌ .. سيسقيك كأس داء ، لا دواء بغيره من الكؤوس ..

ويبقى النسيـــــــــان

يجعلني أتساءل بعد كل تجربه أخوضها في تلك الحياة .. هل هو رفيقي حقاً ويريد لي خيراً أم إنه عدو لي يعبث فى الخفاء ويدّبر أمراً .. أتساءل دوماً هل هو داء أم دواء .. فأنا أحتاج إليه بشده وأتمني زيارته لعقلي وقلبي بأسرع وقت .. لكنّي دوماً بعد زيارته المعهوده ، يجتاح شعوري صمت قاتل يعلن انه تم التخدير وأنا ثائرة بغضب لا يرضى التغيير .. اتساءل بما تبقى لي من وعي و إرادة :
" أين مشاعري .. أين أفراحي وذكرياتي الجميله .. كيف أزلت آثار أحزاني " !!
ولكن لا أجد منه رداً يشفي جراح مأساتي ويعرفني ماذا حدث و ما هو الآتي ؟!
و يبقى النسيان لغــز لا أستطيع فك شفراته .. لا أستطيع مرافقته .. ولا أقوى على فراقه !

ثورجــــي

ثورجي وقوة سلاحي فى الإيمان والعزيمة

مش كلام وهتـــاف بقوله للناس القديمة

اللي نسيت يعني إيه معني الكرامة والصمود

ثورجي ، مش حمتنع عن الكلام حتى ولو بالموت

ما أنا لو سكت على المهانة برضه نهايتي الموت

يبقى أموت وأنا محترم ولا أموت مذلول ومنداس

طب لو سكت حد فيكوا حيطلع و يتحرك يا ناس ؟

ده أنا بتسحل وبموت عشان بس ولادي تعيش ولا تتهان

وإنتوا ف بيوتكوا بتشتموني من السرير بإني عميل وجبان

طب فكروا فيها شويه ....... مين الجبان ؟

طب فيه جبان يقف ومستني الرصاص يضرب فى جسمه

مهو لو قبض فلوس حتكون ورق حتدفعوه ثمن لكفنه وغُسله

ولاّ بتمشوا ورا الكلام اللي يداوي الجرح بالسكوت

وتحسوا فيه بالشرف وإن اللي نازل يستاهل إنه يموت

لإنه واحد بلطجي .. حيقتحم ويحرق ويفتري

بس أنا مش بلطجي .. ولا عميل ولا حخرّب فى البلد

أنا ثورجي رافع برايته سلام وصبّر على الولـد

اللي دفتنه بإيدي وحقه لسه مخدتهوش

هو اللي ينطق بحــــق شهيد يبقي ميستاهلوش

داروا شويه بقى الوشــوش

اللي بتخفوا بيها الحقايق وتغيّروا بيها الحقوق

وإخفوها قد ما تقدروا

لكن عزيمة ثورجي وإدراته .. والله ما حد يقدر يكسره

على الحــــــــــــــافة

أقف بقدمين متتـاليتين على خيط رفيع

على الحــافة ما بين الإستقرار والتغيير

أقف منتظرة أشياء لم تحــــــــدث بعد

أنتظر وقسوة أحلامي لا ترضى البُـعد

أقـف وتراني كالـــوتد الصلب لا أهـتز

وبداخل أعماقى زلازل غضب تعلن حرب

مابين الوحــدة والوحـــدة أتخذ الدرب

لا أجد لغيره ملجأ ولا أجد هنالك قـلب

يفهم إحساس المرأة ويُقـدّرعطاء الحب

أقف وقدماي قـد إكتسبوا خبرة أزمــان

على الحافة ما بين الشوق وصمت النسيان

أنظر للخلف فيحملني لحـزن ودمــــوع

والغـد مجهــول أعدّ له بأمـل مصنوع

لا أقوى على حمل الأثقال لوقت طويل

فأنا ع الحــــــافة لا أعلم وقت التغيير

 

غــــداً تلقانا بالتغيير

أتحرك إحساســاً ،، أتنفس إحساساً ولدّي يقين

بأن الظلم قد إقتربت نهاياته ، والصوت رنين

يحبس أنفاساً بالكلمة وفعل بالخطوة من ملايين

مادام الحـــــرّ له صوتٌ ، فلمصر مصـــير

يكتبه الشاب ويقطع بالسيف خيط الأساطير

أساطيرٌ كانت تحكمنا لسنين بفعل من التخدير

لكنّ الوطن اليوم انتفض وهــزّ عروش كثير

منهم من أسقط بالفعل وغــــداً تلقانا بالتغيير

فإذا أسقطنا رأس الأفعى ، سنسقط حتماً رأس مشير

ميدان التحـــــــرير 25-1-2012
الثورة مازالت مستمرة .. يسقط يسقط حكم العسكر